ਤੁਰ ਗਿਓ ਤੂੰ ਤਾਂ ਤੋੜਕੇ ਯਾਰਾ ਦੁੱਖਾਂ ਨਾਲ ਆੜੀ ਪਾਉਂਗਾ।
ਤੇਰੇ ਬਾਝੋਂ ਸੋਹਣਿਆ ਯਾਰਾ ਮੈਂ ਗ਼ਮ ਨੂੰ ਯਾਰ ਬਣਾਉਂਗਾ ।
ਲੰਘ ਜਾਉਗੀ ਰੁੱਤ ਮੁਹੱਬਤਾਂ ਵਾਲੀ ਨੇ ਮੁੱੜਕੇ ਆਉਣਾ ਨੀ,
ਹਿਜ਼ਰ ਤੇਰੇ ਸੰਗ ਸੱਜਣਾ ਤਪਦੇ ਹਾੜ ਦੀ ਰੁੱਤ ਹੰਢਾਉਂਗਾ ।
ਸੌਣ ਦੀ ਰੁੱਤ ਨੇ ਬਰਸਾਤਾਂ ਵਿੱਚ ਸੋਣ ਨੀ ਦੇਣਾ ਰਾਤਾਂ ਨੂੰ,
ਰੋਦੇਂ ਦਿਲ ਤਾਈਂ ਸੱਜਣਾ ਫਿਰ ਦਰਦ ਦੇ ਗੀਤ ਸੁਣਾਉਂਗਾ ।
ਜਿਸ ਰੁੱਤੇ ਆਪਾਂ ਮਿਲੇ ਸੀ ਸੱਜਣਾ ਆਉ ਰੁੱਤ ਸਿਆਲਾ ਦੀ,
ਲੋਹੜੀ ਅਤੇ ਦਿਵਾਲੀ ਹੌਲੀ ਮੈਂ ਤੇਰੇ ਬਿਨਾਂ ਕਿੰਝ ਮਨਾਉਂਗਾ ।
ਖ਼ੂਬਸੂਰਤ ਪੀਲੇ ਪੀਲੇ ਫੁੱਲ ਰੁੱਤ ਬਸੰਤ ਪੰਚਮੀ ਦੀ ਆਉਗੀ,
ਸਭ ਬਾਗ ਬਗੀਚੇ ਮਹਿਕਣ ਗੇ ਮੈਂ ਤੇਰੇ ਬਿਨ ਮੁਰਝਾਉਂਗਾ ।
ਫਰਵਰੀ ਵਿੱਚ ਕੱਠੇ ਬਹਿਕੇ ਸੇਕੀਆਂ ਧੁੱਪਾਂ ਸਿਆਲ ਦੀਆਂ,
ਕੱਲਾ ਬਹਿਕੇ ਜਸਵਿੰਦਰ ਮੀਤ ਆਪਣਾ ਮਨ ਸਮਝਾਉਗਾ ।
ਜਸਵਿੰਦਰ ਮੀਤ
ਭਗਵਾਨ ਪੁਰਾ (ਨਾਈਵਾਲਾ ) ਸੰਗਰੂਰ ।
9815205657